Пожарите не стивнуваат: Активни огнови во седум општини

На територијата на Македонија денеска се регистрирани 10 пожари на отворен простор, од кои седум се активни, еден е ставен под контрола, а два се целосно изгаснати, информира Центарот за управување со кризи (ЦУК).

До 13:00 часот активни пожари се регистрирани на седум локации.

— реклама —

Во Општина Ресен, пожарот е помеѓу селата Бела Црква и Подмочани, каде гори борова шума и ниска вегетација.

Активен пожар има и во Општина Сарај, на потегот Копаница – Радуша, каде е зафатена нискостеблеста шума и ниска вегетација.

Во Општина Јегуновце, пожарот е кај селото Копанце и зафатил мешана шума.

— реклама —

Пожар е регистриран и над село Нежилово во Општина Чашка, во месноста Сватови, каде гори ниска вегетација и единечни дрвја.

Во Општина Боговиње, активен е пожарот кај селото Урвич, каде е зафатена нискостеблеста вегетација.

— реклама —

Пожар има и над село Палиград во Општина Студеничани, каде е зафатена мешана шума.

Седмиот активен пожар е регистриран помеѓу селата Лажани и Кошина во Општина Долнени, каде гори ниска вегетација.

Еден пожар е ставен под контрола на подрачјето кај селото Трново во Општина Гостивар, со ширење кон селата Битово, Заград и Страјане во Општина Македонски Брод. Таму се зафатени нискостеблеста шума, ниска вегетација, пасишта и папрат.

— реклама —

Во текот на денот се изгаснати два пожари. Едниот бил во село Челопек, Општина Старо Нагоричане, каде гореле ниска вегетација и стари греди. Вториот бил покрај патот Попова Шапка – Бачила 1 Мај во Општина Тетово, каде била зафатена смрека и борова шума.

Од ЦУК посочуваат дека состојбата со пожарите се следи и дека надлежните служби продолжуваат со интервенции на терен.