Пожарот кај Белица и понатаму под контрола

До 7:30 часот утрово во Македонија се регистрирани 13 пожари на отворен простор, од кои 12 се целосно изгаснати, а еден е ставен под контрола, информира Центарот за управување со кризи.

— реклама —

Активни пожари во моментов нема.

— реклама —

Пожарот што е под контрола е во подрачјето на селото Белица, на местото викано Кајорец, во Општина Македонски Брод, со ширење кон Јасен, во Општина Сопиште. Зафатени се нискостеблеста и мешана шума.

— реклама —

Во текот на изминатото деноноќие се интервенирало и на пожари во Босилово, Богданци, Новаци, Пробиштип, Штип, Аеродром, Куманово, Долнени, Велес и Демир Хисар.

Пожарите биле на различни видови површини – ниска вегетација, сува трева, стрништа и грмушки, но и на депонии и локации со отпад. Во Демир Хисар пожарот бил меѓу селото Мренога и манастирот „Св. Атанасиј“, каде што гореле дабова шума и сува трева.