Познат бизнисмен утрово бил натепан во Граѓанскиот суд, случајот го пријавил во полиција

Познатиот македонски бизнисмен Зоран Азманов, претседател на Надзорниот одбор и директор на градежната компанија „Настел“ ДООЕЛ Скопје, утровп бил физички нападнат во Основниот граѓански суд во Скопје, дознава Скопје1.

— реклама —

Според неофицијалните информации, инцидентот се случил за време на судење, но засега не е познато што му претходело на нападот, ниту дали Азманов се здобил со повреди и од каков карактер.

— реклама —

Од Министерството за внатрешни работи за Скопје1 го потврдија случајот, наведувајќи дека нападот бил пријавен утрово.

— реклама —

„Пријавено е дека во Основен граѓански суд З.А.(67) бил физички нападнат од Ѓ.С.(61). Се преземаат мерки за расчистување на случајот“, велат од МВР за Скопје1.

— реклама —

Засега нема детали како бил испровоциран настанот.