Откако претседателот на Собранието на Република Македонија, Талат Џафери објави дека Законот за јазици е објавен во Службен весник, пратениците од ДУИ преку социјалните мрежи испратија честитки.
– Ветивме, остварувме, напиша Ахмети.
Пратеникот Артан Груби ги наброја столбовите кои ги ветила ДУИ.
– Интаграција во НАТО и ЕУ, ветено сторено, јазичната рамноправност, ветено сторено, ситемски реформи, ветено сторено, напиша Груби.
Бујар Османи пак, напиша „Каков почеток на годината горд сум што сум соработник на Ахмети“.
– Употребата на албанскиот јазик од нашите домови отсега и во институциите и пошироко. Честитки сонародници законот за јазиците влегува во сила, напиша Хазби Лика.
