„Правдата е спора, но достижна“, вели Боки 13 по ослободителната пресуда

Бојан Јовановски, познат како Боки 13, соопшти дека Апелациониот суд Скопје ја преиначил првостепената осудителна пресуда и донел ослободителна пресуда за него и за останатите обвинети во предметот „Меѓународен сојуз“.

— реклама —

Во објавата на социјалните мрежи, Јовановски наведува дека по седум години е ослободен од сите обвиненија. Тој ја поздрави одлуката и порача дека со неа, според него, е ставен крај на неправдата со која се соочувале тој и неговото семејство.

— реклама —

Јовановски им се заблагодари на сите што му давале поддршка во изминатите години, оценувајќи дека правдата е бавна, но достижна.

— реклама —

— реклама —