Правдата задоволена за градоначалникот Максим Димитриевски, ја доби пресудата во негова корист

После повтореното судење во кумановскиот суд, градоначалникот Максим Димитриевски ја доби пресудата во своја корист за случајот од 5 април 2017 година, кога на семејна веселба беше физички нападнат од страна на алкохолизирани лица, а потоа наклеветен дека бил насилник, објави plusinfo.mk.

— реклама —

ВМРО-ДПМНЕ и тогашниот претседател на огранокот на партијата во Куманово, Драган Петковски, сега имаат обврска да му се извинат за нанесена клевета и навреда и воедно да му платат ни повеќе туку точно 1 денар отштета.

Токму поради ова Максим Димитриевски се огласи на социјалната мрежа фејсбук. Тој напиша:

— реклама —

– Да, толку барав, еден денар, бидејќи нивниот збор не вреди ниту еден денар, а нивните дела прават голема штета. Се обидоа да ме дискредитираат и да ми го нарушат угледот и честа пред граѓаните во уште еден од многуте партиско-полициски монтирани постапки. Ме нарекоа насилник, криминалец, ме обвинија за настан во кој што и самиот Петковски не веруваше, но по партиска задача читаше напишан текст од кујната на МВРО. Срамно и безобразно продолжуваа со приказната, а сега ќе мора да се извинат, бидејќи вистината е една, а таа секогаш излегува на површина.

Секако, ќе го расчистам случајот до крај и одговорност и за насилниците, но пред сė за инволвираните од страна на МВР ќе има по сите основи – напиша Димитриевски на Фејсбук.

— реклама —

Текстот во целост на: plusinfo.mk