Во Грција денеска се одржуваат предвремените парламентарни избори. Премиерот, Алексис Ципрас ги распиша изборите три месеци порано од предвиденото, бидејќи неговата левичарска партија „Сириза“ на мајските избори за Европскиот Парламент претрпе пораз од конзервативната Нова Демократија на Киријакос Мицотакис.
Лидерот на „Нова Демократија“, Кирјакос Мицотакис, останува фаворит и во овој изборен процес. Се смета дека опозицијата ќе добие повеќе од половина од местата во парламентот со 300 места.
