Од ЕВН Македонија информираат дека поради зафати во електродистрибутивната мрежа, на 07.05.2026 година (четврток) без електрична енергија ќе останат повеќе делови од Скопје.
Во периодот од 08:30 до 15:30 часот без струја ќе бидат дел од улиците „Милан Мијалковиќ“ и „Кавалска“ во Кисела Вода, како и целото село Морани и викенд населбата Морани во Студеничани.
Од ЈП Водовод и канализација – Скопје известуваат дека на истиот ден, поради дефект во шахта и монтажа на водомер на улицата „Митрополит Теодосиј Гологанов“, спроти Католичката црква, со прекинато водоснабдување ќе бидат дел од корисниците на оваа улица во Центар. Прекинот ќе трае од 09:00 часот до завршување на работните активности.
Дополнително, на 08.05.2026 година (петок), поради технички зафати во трафостаница во ПС Бутел од страна на ЕВН, можно е делови од населбите Бутел, Радишани и Кучевишка Бара да останат без вода или да имаат намален притисок. Активностите ќе започнат во 05:00 часот и ќе траат до нивно завршување.
Надлежните апелираат граѓаните навреме да се подготват за прекините.