Двајца жители на Селце биле физички нападнати на локалниот пат меѓу Селце и Вејце, по што полицијата привела 28-годишен жител на селото, информира МВР.
Според пријавата, на 29 септември во 23:15 часот полициски службеници од СВР Тетово го лишиле од слобода Ш.Ш. (28) од Селце. Тој, според пријавеното, со своето возило ги пресретнал А.И. (25) и А.И. (23), кои се движеле со патничко возило „фолксваген голф“, и им го попречил патот пред куќа во сопственост на Р.Б.
Потоа, според МВР, Ш.Ш. физички ги нападнал двајцата мажи, при што употребил и тврд предмет.
Од полицијата информираат дека по целосното документирање на случајот ќе биде поднесен соодветен поднесок.
