Битолската полиција при претрес во домот на 28-годишен битолчанец пронашла и одзела повеќе предмети и материи за кои постои сомнение дека се поврзани со недозволена трговија со дрога.
Од СВР Битола информираат дека на 2 септември во 17:25 часот бил извршен претрес во домот на С.С. (28) од Битола, со судска наредба од Основниот суд Битола.
При претресот биле пронајдени и одземени 42 пакувања со прашкаста материја, марихуана, дробилки со остатоци од марихуана, дигитална вага, како и предмети со остатоци од бела прашкаста материја.
По целосното документирање на случајот, против 28-годишникот ќе биде поднесена соодветна кривична пријава.
