Претрес во Ѓорче Петров: Пронајдени марихуана, бела прашкаста материја и пари

Деветнаесетгодишник од Скопје бил лишен од слобода откако полицијата кај него пронашла марихуана, а при последователен претрес во неговиот дом биле одземени и бела прашкаста материја и пари.

— реклама —

Како што информира МВР, на 9 ноември 2026 година, во 18:40 часот, на пешачка патека покрај реката Вардар, во скопската општина Ѓорче Петров, полициски службеници од Единицата за недозволена трговија со дрога и оружје при СВР Скопје го лишиле од слобода Ф.С. (19).

— реклама —

— реклама —

При извршениот преглед кај него била пронајдена и одземена марихуана. Подоцна, со судска наредба и во координација со Одделот за криминалистичка полиција при МВР, бил извршен претрес во неговиот дом и други простории, при што биле пронајдени и одземени бела прашкаста материја и пари.

— реклама —

Од МВР информираат дека по целосно документирање на случајот против лицето ќе биде поднесена соодветна пријава.