Полицијата во текот на ноќта извршила претрес во дом во скопското село Инџиково, при што била пронајдена марихуана, а едно лице било лишено од слобода.
Од МВР информираат дека на 1 септември, околу 00:05 часот, полициски службеници од Единицата за недозволена трговија при СВР Скопје го лишиле од слобода Р.С. (34) од Инџиково.
При претресот, кој со судска наредба бил извршен во домот на 42-годишната А.Д. од истото село, Р.С. бил затекнат внатре. При извршениот преглед кај него биле пронајдени и одземени неколку пакувања со марихуана и дигитална вага.
Лицето било задржано во полициска станица, а по целосното документирање на случајот, против него ќе биде поднесена соодветна пријава.
