Полициски службеници од ОВР Кочани вчера попладне лишиле од слобода 37-годишен жител на Кочани, откако при претрес во неговиот дом била пронајдена марихуана.
Како што информираат од Министерството за внатрешни работи, на 23 јуни во 16:25 часот бил приведен К.И.(37) од Кочани. При претресот, кој бил извршен врз основа на судска наредба, полициските службеници пронашле и одзеле марихуана.
Лицето е задржано во полициска станица, а по целосното документирање на случајот против него ќе биде поднесена соодветна пријава.
