Полициски службеници од ОВР Македонски Брод синоќа лишиле од слобода 42-годишен жител на Скопје, откако при претрес во куќа во село Сланско била пронајдена дрога.
Како што информираат од Министерството за внатрешни работи, на 3 јули околу 20:45 часот, врз основа на наредба од Основниот суд Кичево, бил извршен претрес во домот што го користел Г.М. (42).
При претресот биле пронајдени и одземени марихуана, дробилка и дигитална вага со траги од марихуана.
По целосното документирање на случајот, против Г.М. ќе биде поднесен соодветен поднесок.
