Полицијата во Штип лишила од слобода 37-годишен маж откако при претрес во неговиот дом била пронајдена марихуана, како и опрема и други предмети.
Од МВР информираат дека на 8 септември 2026 година, во 10:00 часот, полициски службеници од Одделението за недозволена трговија со дрога и оружје при СВР Штип го лишиле од слобода Б.К. (37) од Штип.
При претресот, извршен со судска наредба, во неговиот дом биле пронајдени и одземени поголема ќеса со марихуана, две дигитални ваги, дробилка и семки од растението канабис.
Полицијата одзела и пневматски пиштол, мобилен телефон и парични средства.
За случајот бил известен јавен обвинител, а по целосното документирање на настанот против 37-годишникот ќе следува соодветна пријава.
