Полициски службеници во Скопје лишиле од слобода 38-годишен скопјанец, откако при претрес во неговиот дом биле пронајдени повеќе пакувања со марихуана.
Како што соопшти Министерството за внатрешни работи, на 21 септември во 18:55 часот, припадници на Единицата за недозволена трговија при СВР Скопје го лишиле од слобода И.А. (38) од Скопје.
При претресот, кој бил извршен со судска наредба, полицијата пронашла и одзела 25 полиетиленски кесички, како и други различни пакувања со марихуана.
Лицето било задржано во полициска станица. Од МВР информираат дека по целосното документирање на случајот против него ќе биде поднесена соодветна пријава.
