Претрес во Струмица: Пронајдени кокаин, хероин, марихуана и 400 семки канабис

Полициски службеници од СВР Струмица уапсиле 48-годишен жител на Струмица, откако при претрес во неговиот дом биле пронајдени повеќе видови дрога и предмети поврзани со нивна употреба и чување, соопшти Министерството за внатрешни работи.

— реклама —

— реклама —

Акцијата била спроведена на 14 јули околу 22:05 часот, врз основа на судска наредба. При претресот кај Љ.Ѓ. биле пронајдени пакувања со кокаин, хероин и марихуана, 400 семки од канабис, шприц исполнет со течност, дигитална вага со остатоци од прашкаста материја, како и други предмети.

— реклама —

— реклама —

За случајот бил известен јавен обвинител од Основното јавно обвинителство Струмица, а по целосното документирање против осомничениот ќе биде поднесена соодветна кривична пријава.