Претрес во Тетово, пронајдена марихуана – приведени две лица

На 24 септември во Тетово полициски службеници лишиле од слобода две 20-годишни лица поради сомнение дека сториле кривично дело поврзано со неовластено производство и пуштање во промет на наркотични дроги.

— реклама —

Станува збор за С.И. од село Лисец и Р.Џ. од Тетово, кои биле приведени во 20:25 часот од страна на полициски службеници од Одделението за недозволена трговија со дрога и оружје при СВР Тетово.

— реклама —

— реклама —

По судска наредба бил извршен претрес во домот и помошните простории на Р.Џ. во Тетово. При претресот биле пронајдени и одземени три поголеми пакувања и една најлонска ќеса со марихуана.

Двете лица се задржани во полициска станица. Од МВР информираат дека по целосното документирање на случајот ќе следува соодветна пријава.