Претрес во тетовско: Уапсен 27-годишник, пронајдена марихуана

Полициски службеници од СВР Тетово привеле 27-годишен жител на тетовското село Мала Речица, откако при претрес во неговиот дом била пронајдена дрога.

— реклама —

Како што информираат од Министерството за внатрешни работи, на 11 јуни припадници на Отсекот за недозволена трговија со дрога и оружје при СВР Тетово го лишиле од слобода М.К. (27) од Мала Речица.

— реклама —

При претресот во неговиот дом и помошните простории, извршен врз основа на судска наредба, била пронајдена и одземена марихуана.

— реклама —

Од МВР велат дека по целосното документирање на случајот, против осомничениот ќе биде поднесена соодветна пријава.

— реклама —

Полицијата продолжува со активностите за откривање и сузбивање на недозволената трговија со дрога на подрачјето на тетовскиот регион.