Претрес во велешко: Пронајдени повеќе видови дрога и дигитална вага, приведен 54-годишник

Полициски службеници од СВР Велес лишиле од слобода 54-годишен жител на Велес, откако при претрес во неговиот дом и помошни простории биле пронајдени повеќе материи и дигитална вага.

— реклама —

На 5 октомври во 14:10 часот, од слобода бил лишен Љ.М. од Велес. Полициски службеници од Отсекот за економски криминал и Отсекот за недозволена трговија со дрога при СВР Велес, со наредба од Основниот суд Велес, извршиле претрес во неговиот дом и помошните простории во селото Војница, Општина Чашка.

— реклама —

— реклама —

При претресот биле пронајдени и одземени бела грутчеста материја, бела прашкаста материја, кафеава прашкаста материја, марихуана и дигитална вага.

— реклама —

Љ.М. бил задржан во полициска станица, а за случајот бил известен јавен обвинител. Од МВР информираат дека по целосното документирање на настанот против него ќе биде поднесена соодветна пријава.