Полициски службеници од криминалистичката полиција при СВР Охрид на 5 август лишиле од слобода две лица од Охрид, откако при претреси во нивните домови била пронајдена дрога и други предмети за кои постои сомнение дека потекнуваат од кривично дело.
Како што соопшти МВР, приведени се Р.С. (50) и С.Б. (46), двајцата од Охрид.
При претрес во домот на Р.С., извршен по судска наредба, биле пронајдени и одземени марихуана, две дробилки со остатоци од марихуана, како и други предмети за кои постои сомнение дека потекнуваат од кривично дело.
Во домот на С.Б., исто така по судска наредба, полицијата пронашла и одзела марихуана, шприц исполнет со кафеава материја, дробилка со остатоци од марихуана и други предмети за кои постои сомнение дека потекнуваат од кривично дело.
По целосното документирање на случаите, против двајцата ќе бидат поднесени соодветни пријави.
