Претставничкиот дом на американскиот Конгрес изгласа импичмент за претседателот Доналд Трамп, а процесот продолжува во Сенатот кој треба да реши дали да го обвини и да го отповика од функцијата.
На самиот почеток на конгресот, републиканците се обидоа да го запрат процесот и да ја одложат седницата, но безуспешно. По партиски линии пропадна и обидот на републиканците преку усвојување резолуција да ги осудат постапките на претседателите на конгресните комисии од демократската партија, за начинот на кој ја спровеле истрагата, која доведе до денешната седница.
Претходно, како што и вообичаено тоа го прави, Доналд Трамп преку твитер и користење големи букви, го изрази својот бес од процедурата на импичмент во Конгресот.
“Дали ви се верува дека денеска ќе ми биде изгласан импичмент од страна на радикалната левица, неспособните демократи а јас не направив ништо погрешно” – напиша Трамп.
Инаку досега на само двајца претседатели на САД, Ендрју Џонсон и Бил Клинтон досега им бил изгласан импичмент, но ниту еден од нив не бил осуден од Сенатот.
фото: Архива
