Превентивно-едукативниот проект „Сурфај, но внимателно споделувај“

Секторот за внатрешни работи Тетово денеска ( 15 април ) започна со практична реализација на превентивно-едукативниот проект „Сурфај, но внимателно споделувај“.Носител на проектот е Отсекот за превенција во соработка со локалните самоуправи од подрачјето.

— реклама —

Со проектот вкупно ќе бидат опфатени околу 3500 седмоодделенци од вкупно 215 паралелки, а кои во 92 основни училишта на тетовско- гостиварското подрачје следат настава на македонски, албански и турски јазик.

— реклама —

Стручно обучени полициски службеници, на посебни часови ќе им објаснат на учениците како и на што треба да внимаваат кога споделуваат лични податоци и фотографии на социјалните мрежи, односно како најефикасно да се заштитат од злоупотреби на нивните податоци, фотографии или снимени видео-клипови.

— реклама —

Учениците, исто така, поблиску ќе бидат запознаени и со законските импликации доколку тие  злоупотребуваат лични податоци на други лица.

— реклама —

Проектот е планирано да трае до крајот на идниот месец, а неговата главна цел е учениците да се заштитат од можни злоупотреби на социјалните мрежи.