Скопјанец на возраст од 42 години е повреден откако во неговата нога завршил испукан куршум. Според МВР, пукањето се случило вчера околу 20 часот кај Бит Пазар. Настанот бил пријавен како кражба при која бил испукан и еден куршум од пиштол.
„Околу 20 часот на улица 192 пријавена е кражба при која е испукан куршум од пиштол, кој завршил во ногата на А.Ш.(42) од Скопје. Тој бил префрлен во Комплекс клиники „Мајка Тереза". Возилото со кое е извршена кражбата е обезбедено. Се преземаат мерки за расчистување на случајот“, велат од МВР.
