Придружете ни се , да направиме најголема елка од луѓе за Гинис

Плоштадот „Македонија“ утре во 13 часот ќе биде местото каде што скопјани ќе се обидат да постават нов Гинисов рекорд за најголема новогодишна елка во светот направена од луѓе. Градот Скопје ги поканува сите заинтересирани да дојдат на плоштадот и да се придружат на овој интересен потфат.

— реклама —

Формирањето новогодишна елка од луѓе е дел од програмата на „Винтерленд“. Настанот ќе биде збогатен со музичко – забавна програма, а за доброто расположение на учесниците ќе се погрижат Бени Шаќири и Нон стоп.

— реклама —

Во моментов, најголемата елка од луѓе според Гинис е направена во Индија, во 2015 година, со 4.030 учесници. Утре (21.12.2019 година) и Скопје ќе се обиде да влезе во Гинисовата книга на рекорди.

Затоа, дојдете да се забавуваме и да ја направиме најголемата новогодишна елка во светот направена од луѓе.

— реклама —

фото: општина Центар

— реклама —