Стружанец се соочува со кривична пријава откако полицијата утврдила дека лажно пријавил дека бил грабнат во Струга од повеќе лица, кои наводно му се заканувале со огнено оружје.
Од МВР информираат дека ОВР Струга поднело кривична пријава против К.Р. (32) од Струга поради сомнение за сторено кривично дело „лажно пријавување кривично дело“ по член 366 од Кривичниот законик.
На 17 август 2026 година, К.Р. во ОВР Струга пријавил дека во Струга бил жртва на грабнување од повеќе лица, при што, според неговата пријава, му се заканувале со огнено оружје.
По преземените мерки, полициските службеници утврдиле дека пријавата била лажна. К.Р. бил повикан на службен разговор, при што признал дека лажно пријавил кривично дело.
