Прилепчанец осомничен за нелегално поседување и фалсификување оружје

59-годишен жител на Прилеп се соочува со кривична пријава поради сомнение за нелегално ракување со оружје и фалсификување огнено оружје.

— реклама —

— реклама —

Според информациите од Министерството за внатрешни работи, ОВР Прилеп поднело кривична пријава против Т.С. (59) од Прилеп поради постоење основи на сомнение за сторени кривични дела „неовластено изработување, држење, посредување и тргување со оружје или распрскувачки материи“ и „фалсификување огнено оружје“.

— реклама —

На 26 јануари 2026 година, полициски службеници извршиле претрес во домот и други простории што ги користел пријавениот. Притоа биле пронајдени и одземени две пневматски пушки, за кои немал дозвола, цевка со затворач како дел од пушка, како и ловен карабин „Застава М-98“ со калибар од 7,9 милиметри и уште еден ловен карабин, за кои поседувал дозвола.