Пример за чесност: Млад делчевец пронашол лични документи и над 200.000 денари во пари, па ги предал во полиција

Осумнаесетгодишен жител на Делчево пронашол лични документи и поголема сума пари, по што ги предал во полиција, информира Министерството за внатрешни работи (МВР).

— реклама —

Според информациите од МВР, на 24 октомври 2026 година, во 14 часот, младиот делчевец во Полициската станица Делчево ги предал пронајдените документи и паричните средства во износ од 114.000 денари и околу 2.000 евра.

— реклама —

Тој ги пронашол на булеварот „Македонија“ во Делчево, каде што, покрај парите, имало и патна исправа и лична карта на лице од градот.

— реклама —

Од МВР ја поздравија постапката на 18-годишникот, оценувајќи ја како позитивен пример за чесност, совесност и граѓанска одговорност, особено меѓу младите.

„Ваквите постапки заслужуваат јавно признание и претставуваат поттик за негување на општествените вредности, меѓусебната доверба и одговорното однесување во заедницата“, наведуваат од Министерството.