Природонаучниот музеј на Македонија на 26 октомври ќе одбележи еден век работа, научни истражувања и зачувување на природното богатство на земјава. По повод јубилејот, во Македонскиот народен театар ќе се одржи свечена академија, на која ќе им бидат доделени плакети на соработници, институции и компании што придонеле за развојот на Музејот.
Основан во 1926 година, Музејот денес чува околу 400.000 примероци што сведочат за геолошкото минато, растителниот и животинскиот свет и биолошката разновидност на Македонија.
![]([{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9362YEBRCB1FZM7W2K91B.gif","chance":50,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z937P7C633CS99SP77A7TT.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9399AWTQYS76JTASHNB6Z.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93AQ8NFSC3JGHXF78CANS.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93C62E7Z98JRQG22HQ1ZQ.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93DN7FVZHTTP5AWCCK8DP.gif","chance":10,"url":"https://www.loto.mk"}])
Неговите збирки ги опфаќаат геологијата, палеонтологијата, ботаниката, зоологијата и ентомологијата. Нивното создавање, збогатување и научно проучување е резултат на долгогодишната работа на генерации научници, кустоси, препаратори и истражувачи.
Покрај научната дејност, Музејот има важна улога и во образованието, особено кај младите, преку приближување на природните науки и развивање на свеста за значењето на заштитата на природата.
Од Министерството за култура и туризам посочуваат дека стогодишнината е можност за понатамошно унапредување на работата на институцијата и осовременување на музејското искуство. Во таа насока, годинава на Музејот му е доделен делегиран буџет, со цел подобрување на условите за работа и посовремено претставување на богатите збирки и научните сознанија, особено пред младите генерации.
По еден век постоење, Природонаучниот музеј останува значаен чувар на природното наследство на Македонија и институција посветена на неговото проучување, вреднување и зачувување за идните генерации.
