40-годишниот пожарникар кој вчера изврши насилство во охридската Противпожарна служба, нападна свој колега и тешко го повреди е во притвор. На Ј.К. од надлежниот суд му е одредена и мерка притвор во траење од 30 дена.
Нападнатиот пожарникар пак се здоби со тешки повреди на главата и во моментов е на клиниката во Скопје.
Портпаролот на СВР Охрид, Стефан Димоски информира дека лицето, кое и минатата година нападна и повреди свои колеги, бил притворен неколку часа по инцидентот откако полициските служби покренале потрага по него и го лоцирале местото каде се криел, во објекти во околината на селото Велгошти.
Поради постоење основи на сомнение за сторени кривични дела „тешка телесна повреда“, „насилство“ и „загрозување на сигурноста“, СВР Охрид до надлежното Јавно обвинителство поднесе кривична пријава против Ј.К.(40) од охридското село Велгошти, вработен во протипожарната служба.
