Полициски службеници во Тетово привеле 16-годишен малолетник откако при сообраќајна контрола било утврдено дека управувал автомобил без да поседува возачка дозвола.
Случајот се случил на 30 август во 17:30 часот на улицата „Илинденска“ во Тетово. Полицајците од СВР Тетово го запреле патничкото возило „БМВ“ со тетовски регистарски ознаки, кое го управувал малолетникот.
При контролата било утврдено дека 16-годишникот управувал со возилото без возачка дозвола.
Возилото било одземено, а малолетникот бил лишен од слобода. По целосното документирање на случајот, против него ќе биде поднесен соодветен поднесок.
