Осумнаесетгодишно лице од струшкото село Ташмаруништа е лишено од слобода откако полициски службеници пронашле марихуана при извршен преглед.
Како што информираат од СВР Охрид, на 18 јуни во 01:10 часот на улицата „Маршал Тито“ во Струга, полициски службеници од ОВР Струга го привеле Ц.В. (18) од селото Ташмаруништа.
При прегледот кај него биле пронајдени и одземени марихуана и други предмети.
Од полицијата соопштија дека по целосното документирање на случајот против лицето ќе биде поднесена соодветна пријава.
