Полицијата во Тетово лишила од слобода 19-годишник кај кого при преглед била пронајдена марихуана, информира Министерството за внатрешни работи.
На 21 септември во 21 часот, на улицата „Маршал Тито“ во Тетово, полициски службеници од СВР Тетово го лишиле од слобода Р.И. (19) од село Горно Седларце.
При извршениот преглед кај него била пронајдена и одземена марихуана.
Лицето било задржано во полициска станица, а од МВР информираат дека по целосното документирање на случајот против него ќе биде поднесен соодветен поднесок.
