Полициски службеници од ОВР Гостивар синоќа лишиле од слобода 22-годишен гостиварец, кој бил баран со потерница за издржување затворска казна.
Од МВР информираат дека на 15 септември во 22:05 часот, во населбата Питарница во Гостивар, бил приведен С.Ш. (22) од Гостивар.
Тој бил баран по потерница врз основа на судска наредба за издржување казна затвор во траење од една година за сторено кривично дело „неовластено производство и пуштање во промет на наркотични дроги, психотропни супстанции и прекурзори“, согласно член 215 од Кривичниот законик.
Лицето било спроведено во Казнено-поправната установа Затвор Тетово, каде треба да ја издржува затворската казна.
