Дваесет и тригодишен жител на тетовско село е приведен откако бил пријавен за физички напад врз малолетник.
Според информациите од Министерството за внатрешни работи, на 18 јуни во 21:00 часот во Полициската станица Тетово, С.К. (42) од селото Селце пријавил дека во близина на локалното училиште неговиот 16-годишен син бил физички нападнат од С.С. (23).
По преземените мерки, само дваесет минути по пријавата, полициски службеници од СВР Тетово го привеле осомничениот, кој бил задржан во полициска станица.
Од полицијата информираат дека по целосно документирање на случајот против него ќе биде поднесен соодветен поднесок.
