Приведен 25-годишник од Старо Нагоричане поради предизвикување пожар

Полицијата приведе 25-годишен жител на селото Враготурце, Општина Старо Нагоричане, по пријава дека предизвикал пожар во селото.

— реклама —

Како што информира МВР, на 4 октомври во 22:20 часот полициски службеници од Полициското одделение Старо Нагоричане го лишиле од слобода Ф.М., постапувајќи по претходно добиена пријава за предизвикан пожар.

— реклама —

— реклама —

Лицето било приведено во полициска станица, каде што по извршените проверки било утврдено дека е под дејство на алкохол. Кај него биле измерени 2,36 промили алкохол во крвта.

МВР соопшти дека по целосното документирање на случајот ќе следува соодветна пријава.