Дваесет и деветгодишен жител на неготинско село е лишен од слобода поради сомнение дека физички го нападнал својот татко и му се заканувал со остар предмет, информира Министерството за внатрешни работи.
Според МВР, на 1 август во 19:40 часот полициски службеници од ОВР Неготино го привеле М.А. (29), постапувајќи по претходна пријава од неговиот 50-годишен татко.
Според пријавата, во семејниот дом, откако М.А. си нанел повреда со остар предмет, физички го нападнал пријавителот и му се заканувал со истиот предмет.
При извршените проверки било утврдено дека М.А. бил под дејство на алкохол, при што му биле измерени 1,98 промили алкохол во крвта.
Тој бил задржан во полициска станица, за случајот бил известен јавен обвинител, а по неговото документирање против него ќе биде поднесена соодветна пријава.
