На 2 октомври во 17:40 часот, во атарот на село Голозинци, Општина Чашка, полициски службеници од Полициското одделение Чашка го лишиле од слобода 35-годишниот С.А. од село Мелница.
Кај местото викано „Мелничка Река“, полицајците запреле трактор „Форд“ без регистарски ознаки со приколка, управуван од С.А. Во тракторот имало и 17-годишен малолетник од Мелница.
При контролата било констатирано дека во тракторот имало натоварено огревни дрва без жиг и боја и без соодветна документација.
![]([{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9362YEBRCB1FZM7W2K91B.gif","chance":50},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z937P7C633CS99SP77A7TT.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9399AWTQYS76JTASHNB6Z.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93AQ8NFSC3JGHXF78CANS.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93C62E7Z98JRQG22HQ1ZQ.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93DN7FVZHTTP5AWCCK8DP.gif","chance":10}])
При пребарување на теренот каде што била извршена нелегална сеча, полицијата пронашла и дополнителна количина бесправно исечени дрва.
Дополнително, при извршените проверки било утврдено дека С.А. го управувал тракторот без да поседува возачка дозвола.
По насоки на јавен обвинител, тракторот и дрвата биле одземени и предадени на Шумската полиција за понатамошна постапка.
С.А. бил приведен во полициска станица, а по целосното документирање на настанот ќе бидат поднесени соодветни пријави.
