Приведен 56-годишник во валандовско, полицијата му пронашла пушка и муниција без дозвола

Полицијата привела 56-годишен жител на валандовското село Прстен, откако при претрес во неговиот дом пронашла ловечко оружје и муниција за кои немал дозвола.

— реклама —

— реклама —

Според информациите од МВР, претресот бил извршен на 12 ноември со судска наредба, при што биле пронајдени и одземени ловечка пушка „Застава“ со калибар 12 милиметри и ловечка муниција.

— реклама —

— реклама —

За случајот бил известен јавен обвинител од Основното јавно обвинителство Гевгелија. По целосното документирање на настанот, против лицето ќе биде поднесена соодветна пријава.