Државјанин на Албанија бил приведен откако бил затекнат како извршува работни задачи без соодветна работна дозвола, соопшти Министерството за внатрешни работи.
Според МВР, на 5 август околу 14:30 часот, на локалниот пат кон селото Горна Белица, струшко, полициски службеници од Полициската станица за граничен надзор Франгово го привеле К.Х. (34) од Република Албанија.
Тој бил затекнат при извршување работни задачи без работна дозвола за лицето А.И. од селото Радолишта.
По приведувањето, лицето било предадено на полициски службеници од Одделението за прекуграничен криминал, миграции, странци и реадмисија – Струга, за понатамошна постапка.
