Приведен гостиварец кај Ќафасан со околу еден килограм марихуана

Полициски службеници привеле 40-годишен жител на Гостивар, откако кај него била пронајдена црна вреќа со околу еден килограм марихуана во близина на граничниот премин Ќафасан.

— реклама —

Од МВР информираат дека на 21 октомври, во 20:50 часот, полицискиот мобилен тим „Task Force“ при Регионалниот центар за гранични работи „Запад“ – Охрид, во соработка со Полициската станица за граничен надзор Франгово, го лишил од слобода Б.Б. (40) од Гостивар.

— реклама —

— реклама —

При преземање мерки за сузбивање на недозволената трговија со дрога, кај него била пронајдена вреќата со марихуана.

За случајот бил известен јавен обвинител од Основното јавно обвинителство Струга. По целосно документирање на настанот, против лицето ќе биде поднесена соодветна кривична пријава.