Приведен криумчар, пронајдени мигранти од Сирија

На 11.07.2022 околу 14.00 часот на регионалниот пат Гевгелија-Богданци, кај место викано „Краварски пат“, полициски службеници од Полициската станица за граничен премин „Богородица“ го лишиле од слобода Џ.М.(47) од Скопје. При контрола во возило „сеат леон“, со скопски регистарски ознаки, кое го управувал, биле пронајдени четири лица мигранти од Сирија.

— реклама —

— реклама —

Претходно, на автопатот А1, Гевгелија – Скопје тој не застанал на знак за запирање даден од полициски службеници, но набргу потоа бил сопрен и лишен од слобода.

— реклама —

— реклама —

Со Џ.М. бил извршен службен разговор во полициска станица и по целосно документирање на случајот против него ќе биде поднесена соодветна пријава. Пронајдените лица мигранти биле сместени во Прифатно-транзитниот центар „Винојуг“ во Гевгелија.