Полициски службеници од СВР Скопје го лишиле од слобода С.Ќ. (29) од Скопје, постапувајќи по пријава дека физички ја нападнал својата 32-годишна партнерка.
Како што соопшти Министерството за внатрешни работи, приведувањето било извршено на 6 август во 09:05 часот во Полициската станица Кисела Вода.
Според пријавата, нападот се случил на 3 август околу 18:00 часот на подрачјето на Шуто Оризари.
По целосното документирање на случајот, против осомничениот ќе биде поднесен соодветен поднесок.
