Полицијата во Тетово лишила од слобода 39-годишен жител на градот, кој бил баран со потерница за издржување затворска казна од една година и шест месеци.
Од МВР информираат дека Ѓ.С. (39) бил приведен на 22 септември 2026 година во 12 часот од страна на полициски службеници од СВР Тетово.
Тој бил баран врз основа на наредба од Основниот суд Тетово, за издржување казна затвор во траење од 18 месеци за сторено кривично дело по член 396 од Кривичниот законик.
По лишувањето од слобода, лицето било спроведено во Казнено-поправната установа „Затвор Идризово“, каде што ќе ја издржува изречената казна.
