Полицијата во тетовско лишила од слобода 43-годишен жител на Горно Седларце, кој бил затекнат како управува автомобил и покрај активната забрана за управување со моторно возило.
Од МВР информираат дека на 14 септември во 22 часот, во село Горно Седларце, полициски службеници од Полициското одделение Камењане го лишиле од слобода А.У. (43) од селото.
При контролата било утврдено дека тој управувал патничко возило „мерцедес“ со тетовски регистарски ознаки, иако за него била активна мерка забрана за управување со моторно возило.
Возилото било одземено, а од МВР информираат дека против лицето ќе биде поднесена соодветна пријава согласно член 297-а од Кривичниот законик.
