Приведен тетовец кој возел „мерцедес“ без возачка дозвола

Тетовската полиција лишила од слобода 36-годишен жител на Тетово кој бил затекнат како управува автомобил без да поседува возачка дозвола.

— реклама —

Од МВР информираат дека на 14 септември во 10:50 часот, на булеварот „Илинденска“ во Тетово, полициски службеници од Полициската станица за безбедност на патниот сообраќај Тетово го лишиле од слобода С.Д. (36) од Тетово.

— реклама —

— реклама —

При сообраќајна контрола било запрено патничко моторно возило „мерцедес“ со скопски регистарски ознаки, кое го управувал С.Д. При проверката било констатирано дека тој управувал без возачка дозвола.

— реклама —

Возилото било одземено, а од МВР информираат дека по целосното документирање на случајот против 36-годишникот ќе следува соодветен поднесок.