Приведени 10 возачи за безобѕирно возење, меѓу нив и двајца малолетници

Министерството за внатрешни работи соопшти дека во текот на изминатото деноноќие на територијата на целата држава биле лишени од слобода 10 возачи поради безобѕирно управување со возило.

— реклама —

Од нив, осуммина биле затекнати како управуваат возила без возачка дозвола, меѓу кои и двајца малолетници. Најмногу случаи се регистрирани во Прилеп, каде што биле приведени две лица, а по едно лице било затекнато во Кривогаштани, Скопје, Тетово, Гевгелија, Дебар и Ресен.

— реклама —

Дополнително, двајца возачи – во Скопје и Демир Хисар – биле лишени од слобода бидејќи управувале возила под дејство на алкохол.

— реклама —

Од МВР информираат дека по целосното документирање на случаите ќе бидат поднесени соодветни кривични пријави.

— реклама —

Полицијата апелира до граѓаните да ги почитуваат сообраќајните правила и прописи, да не управуваат возило без положен возачки испит или под дејство на алкохол, со цел зголемување на безбедноста во сообраќајот.