Приведени двајца осомничени за вчерашниот пожар во напуштениот објект во Кисела Вода

Двајца жители на Скопје се лишени од слобода под сомнение дека вчера предизвикале пожар во напуштен објект на булеварот „Македонија“ во центарот на градот, информира Министерството за внатрешни работи.

— реклама —

Според МВР, на 5 јули околу 17:30 часот, полициски службеници од СВР Скопје ги привеле С.А. (34) и И.Х. (39), двајцата од Скопје, поради сомнение дека сториле кривично дело „предизвикување општа опасност“.

— реклама —

Тие се сомничат дека истиот ден, околу 16:00 часот, предизвикале пожар во напуштен објект на булеварот „Македонија“.

— реклама —

Во интервенцијата за гаснење на пожарот, еден пожарникар се здобил со повреди, а оштетени биле и две противпожарни возила.

Од МВР соопштија дека се преземаат мерки за целосно расчистување на случајот, по што против осомничените ќе биде поднесен соодветен поднесок.