Осум лица биле лишени од слобода во текот на изминатото деноноќие поради сомнение за сторено кривично дело „безобѕирно управување возило“, односно поради управување возило без положен возачки испит.
Од МВР информираат дека полициски службеници постапувале на различни локации низ државата, при што биле лишени од слобода Б.С. (33), Е.С. (19) и 17-годишник, сите од скопско, Е.З. (28) од Гостивар, Е.М. (25) од село во општина Долнени, Ј.Ѓ. (41) од делчевско, како и 14-годишник и Д.А. (23), двајцата од Кочани.
Според МВР, лицата управувале возила без положен возачки испит, со што, според наводите, го сториле кривичното дело предвидено во член 297-а од Кривичниот законик.
По целосното документирање на случаите, против осумтемина ќе бидат поднесени соодветни кривични пријави.
