Пробиена ограда на аеродром во Германија, северната писта е затворена

Инцидент на аеродромот во Лајпциг, Германија, предизвикал прекин на воздушниот сообраќај на неговиот северен дел, откако во текот на ноќта била откриена дупка во заштитната ограда. Полицијата се сомнева дека непознато возило ја пробило оградата и влегло во аеродромскиот простор, во близина на паркирани руски товарни авиони „Антонов“.

— реклама —

Оштетувањето било откриено во саботата околу 23 часот, соопшти полицијата. Портпаролката Тереза Леверенц изјавила дека по инцидентот биле прекинати летовите на северната страна од аеродромот. Поради тоа, повеќе товарни авиони на „Амазон“ морале да слетаат на јужната писта, објави „Билд“.

— реклама —

„Многу е веројатно дека некое возило ја пробило оградата. Сепак, при ноќната потрага не беа пронајдени ниту возилото ниту неовластени лица во аеродромскиот простор“, изјавила Леверенц.

— реклама —

Потрагата продолжува, а северната писта останува затворена за воздушниот сообраќај.

— реклама —

Инцидентот доаѓа по настанот во август, кога истражителите откриле дрон наполнет со експлозив во близина на пистата на аеродромот. Германските претставници подоцна ја обвиниле Русија за тој случај, но Москва ги отфрлила обвинувањата, пренесува Ројтерс.